Kaixo familia:
Oraingoan HH 02 koek beraien egunerokotasunean Ikastolan nola dabiltzan ikusteko argazki sorta bat prestatu dugu.
Adin hau aktibitate handiko garaia da, ekintza batetik bestera erraz pasatzen dira eta beraien inguruan dagoen guztia deskubritzeko eta esploratzeko sena eta kuriositatea dute.
Ikusi zuen haurrak zein ongi dabiltzan eguneko momentu ezberdinetan.
Kaixo Familia
Zer moduz zaudete?
Jada badira bi hilabete kurtsoa hasi genuenetik eta urtero bezala blogaren atalarekin gatozkizue.
Blogaren helburuetariko bat ikastolan haurrek dituzten bizipenak zuei helaraztea da eta interesgarriak diren artikulu zein gaiak lantzea ere bai, beti ere, familien kezka zein interesetatik abiatuta. Horretarako zuen laguntza ezinbestekoa izango dugu eta dituzuen ekarpenak gustura hartuko ditugu.
Zer deritzozue? Animatu denok parte hartzera!.
Gaurkoan orain gutxi bizi izan dugun aldiari buruzko ekarpen bat dakargiku. Egokitzapen aldia.
Zuen haurrak pixkanaka egokitzen ari dira. Denok dakigu ez dela egoera erraza izaten ez haur zein familia eta hezitaileentzat ere.
Haurra segurtasuna ematen dioten pertsona (atxikimendu irudia) eta espazio batetik leku arrotz batera dator, hau da, jende eta espazio berrira. Hau horrela izanik, haur batzuentzat banaketa hau oso gogorra izaten da.
Egokitzapen aldia egoera hau errazteko bidea da, eta ahalik eta egokiena eta samurrena izan dadin oso garrantzitsua da lasaitasunez eta konfiantzaz egitea eta familia eta ikastolak bat egin eta elkarlanean aritzea.
Familiek kezka eta galdera asko izaten dituzte etapa berri honetan eta hezitzaileak hor egoten gara hauei erantzuna eman eta haurrari egoera berrira egokitzen laguntzeko. Hau horrela izan dadin, poliki - poliki haurrarengana hurbiltzen joango gara hauek konfiantza hartu arte. Egokitze prozesua ongi egin duten seinale izango da esplorazioa eta jolasa agertzen direnean.
Beraz, berriro ere egokitzapen aldiaren garrantzia azpimarratu nahi dugu, haurrari behar duen denbora eskaintzea funtsezkoa delarik.
Laburpentxo honen ondoren esan genezake, gaur egun haur gehienak egokituta daudela.
Aurtengo ikasturteari amaiera emateko, izan ditugun bizipen, ekintza eta jolasaldiez gozatzeko bideotxo bat prestatu dugu.
Gustatuko zaizuelakoan, mila esker urte ezberdin honetan eskainitako jarrera jator eta ulerkorragatik. Eskertzekoa izan da familia guztion jarrera.
Uda eta oporrak badatoztela eta, asko disfrutatu ezazue familian eta iraila arte.
JOLASAREN GARRANTZIA
Haurrarentzat jolasa gozamena edo plazerra baino gehiago da, behar bat da, bere burua eta inguratzen duen mundua ezagutzeko modu bat. Jolastea eta ikastea bat datoz, ezin dira banatu, haur bat jolasten dagoenean ikasten ari da.
Jolasaren bitartez haurrak, ukitu, sentitu, manipulatu...egingo du, egoera ugari biziko ditu eta pentsamenduaren oinarriak eraikiko ditu.
Bestetik, jolasak, haurrari bere nahiak, esperientziak, sentipenak... kanporatzeko balio dio. Aldi berean, egoerak, imajinatuz, interpretatuz, adieraziz... gaitasun komunikatiboetan aurrera egitea ahalbidetzen dio. Lagunen arteko jolasen bidez ere, gizarteratzeko trebetasunak eta gaitasunak garatzen ditu.
Guzti honek erakusten digu gure txikientzat zein garrantzitsua den jolasa.
Ondoren zuen haurrak esperimentazioa eta jolasaren bidez zenbat gozatu eta ikasten duten ikus dezakezue. ikus bideoa
HAURRARREN AUTONOMIA:
Haurraren autonomiaz hitz egiten dugunean ,lehen bururatzen zaigun kontzeptua , haurrak berak bakarrik ,inoren laguntzarik gabe gauzak egiteko duen ahalmena izaten da. Baina autonomia hori bakarrik da edo haratago doa?
Kontzeptu hau hobeto ulertu eta ditugun galderei erantzuna eman ahal izateko ondorengo artikuloa irakurtzera gonbidatzen zaituztegu.
Jarraian ikusi zuen txikiek dituzten ahalmenak ondorengo bideotxo honetan. Bideo hau eta beste hainbat Ikastolako web orriko material osagarrien txokoan ikusi ditzazkezue.
Norberaren gaitasunetatik abiatuz
Oraingo honetan, zentzumenek daukaten garrantzia adieraztera gatoz.
Jakina den bezala, adin honetako haurrek informazio asko hautematen dute beraien ingurutik eta bizitzako lehen urte hauetan jasotako informazioa bere bizitza osorako baliagarria izango zaie.
ZORIONIK BEROENAK !!!
ZORIONAK OIER eta NAIA ! Urtetxo bat bete berri duzuelako.
ZORIONA URKO! 2 urtetxo bete duzulako.
Ondo ospatu dugu lagun artean, muxu potoloak!!
ZORIONIK BEROENAK !!!
ZORIONAK LEO eta JARE ! Urtetxo bat bete berri duzuelako.
Ondo ospatu dugu lagun artean, muxu potoloak!!
