EUSKARAREN EGUNA

        

      Egun edarra atzokoa!!! Euskararen eguna ospatzeko lehenik argitxoren bisita, ondoren denok batera kantuan ibili ginen eta eguna bukatzeko argitxoren oparia! Txokolate beroa!!!

   Gustura eta pozik ibili ginen atzoko egunean, berezia benetan!  Baina ez ahaztu! Egunero maitatu eta zaindu behar dugu berezi egiten gaituen hizkuntza eder hau! 

EGOKITZAPENA

             Gogorra izaten da kurtso hasiera guztiontzat, batez ere lehendabizikoz ikastolara etortzen diren haur eta gurasoentzat. HH 0-2 urteko haur batzuek,  beraien familiarengandik  bizi duten lehen banatze unea da.Hasiera eta banatze une hau, errazagoa eta lasaiagoa izateko, oso garrantzitsua da egokitzapen prozesua haurrentzat.

            Egokitzapenaren helburu nagusia haurraren ongizatea bermatzea da. Haurrak erreferentzi pertsona bat behar du eskolan, atxikimendu irudi seguru bat, hau da, testuinguru berri horrek eskaintzen dizkion aukerak esploratzera abiatzeko oinarri seguru bat. Haurrarentzat irakaslea atxikimendu irudi seguru bihurtzen denean; bere buruarekin seguru sentitzea, beldurrak ekiditea, ikastolan gustura ibiltzea, beste haurrekin harreman aberatsagoak egitea eta esploratzen hastea lortuko du.

           Horretarako behar-beharrezkoa da denbora, elkar ezagutzeko eta tokia eta laguntxo berriak ezagutzeko. Honez gain, sarritan haurrak bere erritmo biologikoak egokitu behar izaten ditu.Guraso eta irakasleen arteko konfiantza ere beharrezkoa da, horregatik, konfiantzazko lan-talde bat sortu behar dugu.

           Esan bezala, garrantzitsua da haurrari behar duen denbora ematea, egokitzapena ez baita prozesu lineal bat. Haur bakoitzak bere denbora eta erritmoa behar du eta irizpide batzuk markatuak izan arren, ume bakoitzaren arabera moldatzen joaten gara, ez dugu prisarik izan behar. 

          

         Beraz,  laburbilduz, egokitzapen fasea ahalik eta positiboena izateko eta ikastolara eta honen ingurunera ahalik eta ongien egokitzeko, ezinbestekoa da, alde batetik,  haur bakoitzaren erritmoa errespetatzea, presiorik eta konparaketarik  gabe eta bestetik, senide eta hezitzaileen arteko elkarlana,  gure arteko konfiantzak haurra lasaitzen baitu.

2014-2015 IKASTURTEA

Kaixo lagunak!

      Ongi etorri HH 0-2ko blogera! Ikasturte berriaren hasierarekin batera martxan jarri dugu gure bloga ere. Beraz, hemendik aurrera gure txikitxoen argazki, bideo zein bestelako informazio-artikuluak ikusteko aukera izango duzue.

         Gustukoa bezain interesgarria izatea espero dugu.

HH 0-2ko hezitzaileak

ESPERIMENTATZEN:

Haurren garapenaren eremu guztiak jolasarekin loturik daude. Haurrak, inguruarekin eta inguruko elementu desberdinekin jolasaren bitartez elkarrekintzan arituz, ezagupenak jaso eta esperientzia horien ondorioz bere ulertzeko moduak antolatzen ditu. Beraz, jolasaren ezaugarrietako bat esperimentatzea izanik, haurraren premia nagusietako bat bere ingurua sentitu edo bizitzea da, eta ondorioz gertatzen da ikasketa.

Esperientziarik aberatsenak oinarrizko elementuetatik etorriko zaizkio: margoekin, urarekin, lurrarekin, lokatzarekin, arearekin, etxeko tresna arruntekin... jolastetik, esperimentatzetik.

Haurrak berez du gauzak bere kabuz deskubritzeko eta bere ondorioak ateratzeko gaitasuna eta hori dela eta, gure zeregina, ingurune-esperientzia egokiak eskaintzea da.

Ondoren, zenbait esperientzien argazki batzuek:

Kaixo lagunak!! Eguraldi ona iritsi dela eta, eguneroko hamarretakoa gelan bertan egin beharrean, ikastola inguruko zelatxoan egin dugu. Begira zein ederki ibili garen.

MATERIAL EZ-EGITURATUA

MATERIAL EZ-EGITURATUA

"Material ez egituratua" diogunean, eguneroko bizitzan topatu dezakegun material arruntaz ari gara. Hala nola: pintzak, kartoizko tutuak, makiltxoak, oihalak, kaxak, kateak, poteak, … Material hauek bizitza arruntean oso anitzak izan daitezkeen jarduera eta ekintzetan erabiltzen dira eta euren xedea ez da didaktikoa. Baina haurrei mota honetako materialekin aritzeko eta esperimentatzeko aukera ematen zaienean, material hauek “altxorrak” bihurtzen dira, ikaskuntza iturri bihurtzen dira.

Hasiera batean material bakoitzaren ezaugarriekin esperimentatzen dute, modu honetan materialaren gaineko ezagueran sakontzen dutelarik. Baina esperimentazioa ez da hor bukatzen, ondoren material desberdinen arteko konbinazioekin esperimentatzen hasten dira. Material desberdinen arteko konbinazioak haurrari egoera berriak planteatzen dizkio, ikasteko aukera berriak eskaintzen dizkio.

Ikaskuntza egoera hauek ez dira Haur Hezkuntzako curriculumera mugatzen. Haur bakoitzaren interes eta ikasteko grinatik abiatzen da eta abiapuntu honek ikaskuntza esanguratsua bermatzen lagunduko digu. Haurra bakarrik edota talde txikian aritzen da normalean, beraz norberaren erritmoa errespetatzeko aukera ere eskaintzen digu material ez egituratuak.

Material ez egituratuak dituen abantailak asko dira. Hona hemen batzuk:

• Erabilera desberdinak izan ditzake.
• Haurraren interesa da esperimentazioaren abiapuntua.Haurrak esperimentazioaren bitartez ikasten du.Haur bakoitzaren erritmoa errespetatzen da.
• Haurra modu autonomoan aritzen da.
• Irudimena lantzen da.
• …

"Material merkea bezain aberatsa"

Ondoren, gure txikiak mota honetako materiala manipulatzen ageri diren argazkiak dituzue ikusgai.

Gustokoa izatea espero dugu.

MATERIAL EZ EGITURATUA

Azkenengoz igotako artikuluari lotuta, guk gelan material ez egituratuarekin nola esperimentatu eta jolasten dugun ikusteko, hona hemen bi bideo.

APIRILEKO ETA MAIATZEKO URTEBETETZEAK OSPATZEN!!

MATERIAL EZ EGITURATUA

"Material ez egituratua diodanean, eguneroko bizitzan topatu dezakegun material arruntaz ari naiz. Hala nola: pintzak, kartoizko tutuak, makiltxoak, oihalak, kaxak, kateak, poteak, … Material hauek bizitza arruntean oso anitzak izan daitezkeen jarduera eta ekintzetan erabiltzen dira eta euren xedea ez da didaktikoa. Baina haurrei mota honetako materialekin aritzeko eta esperimentatzeko aukera ematen zaienean, material hauek “altxorrak” bihurtzen dira, ikaskuntza iturri bihurtzen dira.
Hasiera batean material bakoitzaren ezaugarriekin esperimentatzen dute, modu honetan materialaren gaineko ezagueran sakontzen dutelarik. Baina esperimentazioa ez da hor bukatzen, ondoren material desberdinen arteko konbinazioekin esperimentatzen hasten dira. Material desberdinen arteko konbinazioak haurrari egoera berriak planteatzen dizkio, ikasteko aukera berriak eskaintzen dizkio.
Ikaskuntza egoera hauek ez dira Haur Hezkuntzako curriculumera mugatzen. Haur bakoitzaren interes eta ikasteko grinatik abiatzen da eta abiapuntu honek ikaskuntza esanguratsua bermatzen lagunduko digu. Haurra bakarrik edota talde txikian aritzen da normalean, beraz norberaren erritmoa errespetatzeko aukera ere eskaintzen digu material ez egituratuak.

Material ez egituratuak dituen abantailak asko dira. Hona hemen batzuk:

• Erabilera desberdinak izan ditzake.
• Haurraren interesa da esperimentazioaren abiapuntua.
• Haurrak esperimentazioaren bitartez ikasten du.
• Haur bakoitzaren erritmoa errespetatzen da.
• Haurra modu autonomoan aritzen da.
• Irudimena lantzen da.
• …

Material merkea bezain aberatsa."

KATUKA IBILTZEAK DITUEN ONURAK

Beheko linkaren bitartez,  katuta (lau hanketan) ibiltzeak dituen onurak jorratzen dituen artikulu bat jartzen dizuegu irakurgai. Artikulua gazteleraz dago eta bertan, ekintza hau estimulatzeko aholkuak emateaz gain, katuka ibiltzeak haurren garapenean  nolako garrantzia duen azpimarratzen da. Izan ere, ekintza honek haurra autonomoa izatea bultzatzen duen bitartean, etorkizuneko prozesuetarako prestatzen du.

Interesgarria eta aldi berean lagungarria izatea espero dugu.

katuka ibiltzeak dituen onurak

PSIKOMOTRIZITATEA

             HH01ekoak, astean bi aldiz joaten gara psikomotrizitate gelara, bertan, oinetakoak eta berokiak kendu eta gero “dorrea” botatzen dute. Ordu betean zehar, beraien kabuz eta material ezberdinaren laguntzaz (uztailak, koltxonetak, eraiketak, zapiak…) jolasean ibiltzen dira.

 Gidatu gabeko saioak izaten dira, haurrak erabakitzen du non, zerekin eta zeinekin jolastu. Saio hauetan mugimendua bizi dezakete, esperimentatu, erabakiak hartu,konfiantza lortu… 
 Bideo bat lagatzen dizuegu, zuen seme alabak, psikomotrizitate gelan zeinen pozik ibiltzen diren ikusi ahal izateko!!!

MARTXOKO URTEBETETZEAK OSPATZEN!!

ZER EGIN ZORRIAK KENTZEKO?

Aurreneko gauza, txikia parasito gabe uztea da eta ondoren gure buruak begiratzea, toallen bidez, maindireak edo mimoen bidez kutsatzea oso erraza da eta.

Ondoren, burua ozpinez busti (etxean dugunak balioko digu), eta erabat bustita dagoenean, zilarrezko paperaz bildu eta ordu betez utzi behar da. Honela zorriak itoko dira eta errazago kendu ahal izango ditugu.

Hau egindakoan, burua etxeko edozein xanpu erabiliz garbitu eta ilea oraindik bustita dagoela, buru guztia poliki-poliki begiratu, orraziaz marrak eginez. Oraindik ‘bisitariak’ badaude, prozesua berriro egin.

Ondoren ile guztia kontuz-kontuz orraztuko dugu, batez ere belarri atzean eta lepo aldean (hauek baitira gehien atsegin dituzten lekuak); horretarako orrazi berezi bat erabiliko dugu, liendrera izena duena. Orrazi honek hortzak estu estuak ditu eta zorriak eta beraien arrautzak kentzeko erabiltzen da.

Egunero begiratu umearen burua eta prozesua errepikatu handik 7 egunetara. Arrautzarik geratu bada 7 egun behar baitu zorriak ateratzeko.

NOLA SAIHESTU ZORRIAK?

Burua garbituta dagoenean, azkeneko aklaratua egiteko ur baso bero batean 2 behatz neurri ozpin bota. Buruan gainetik bota eta ez eman azkeneko aklaraturik.

Lasai, entsalada usaina laster kenduko zaio haurrari.

Umeak zorriak askotan baditu, egunero orrazteko erabiltzen duzuen orrazian ‘arbol de te‘ olioaren tanta batzuk bota, eta goizero honekin orraztu batez ere lepo gaineko eta belarri atzeko ileak.

MAKINISTA

                                                   "MAKINISTA"

Dakizuen bezala, bi urteko geletan  egun bakoitzean ume bat da gelako "makinista". Egun horretan makinistak ogia ekartzen du gelara eta borobil handi baten eserita gaudela, laguneri ogi zati bat banatzen die.Gelatik irtetzen geranian, lerroan jartzen dira gelakide guztiak tren bat izango balira bezala eta makinistak parkeraino gidatzen du trena.
Egun horretan protagonistak sentitzen dira umeak eta denak daude desiatzen "makinistak" izateko!!!!

URTARRILEKO ETA OTSAILEKO URTEBETETZEAK OSPATZEN!!!!

KAIXO LAGUNAK!

     Ongi etorri ikastolako blog berrira, ikastolako txikienak protagonistak izango diren txoko honetara!
      
   Blog honen bidez, HH0-2ko haurrak hobeto ezagutzeko aukera izango duzue, baita haurtzaindegian egiten ditugun ekintza ezberdinak ikusteko ere. 

   Zuen gustokoa izatea espero dugu, beraz, animatu eta saltseatu!!! 

ASTEKO EGUNAK 

            Ipuin honen laguntzaz asteko egunak lantzen ditugu HH1eko geletan. Ipuineko marrazki bakoitza asteko egun bati dagokio. Horrela, txikiak egun bakoitza marrazki batekin erlazionatzera iristen dira.Egunero eskaintzen diogu tartetxo bat ipuinari egun bakoitzari dagokion pasartetxoa kontatzeko.

 

Begira zeinen lasai entzuten dugun koko oiloaren pasartetxoa ogia jaten dugun bitarten!

Hemen lagatzen dizuegu asteko egunak lantzeko abesti bat!

Altxorraren saskia

Altxorraren saskia

Altxorraren saskia izena jasotzen du material ezberdinez osatuta dagoen otarra edo saskiak, material hori plastikoa ezik beste edozein motakoa izan daiteke, horregatik da “altxorra”.

Altxorraren Saskia adin txikikoentzat oso proposamen polita eta aberatsa da eta egunero zaindu beharrekoa. Haurra eserita mantentzen den momentutik, saskian dauden objektuak aukeratzeko eta manipulatzeko aukera izango du. Otarrean dagoen materiala arrunta bada ere, oso aberatsa eta baliagarria da jolaserako, zentzumen guztiek parte hartzen baitute. Objektuaren arabera haurrak sentsazio ezberdinak biziko ditu (metal eta kristalarekin hotza, egur eta oihalarekin beroa, kargak...). Haurrak nahi duen bezala manipulatuko ditu eta ez du arriskurik izango.

Saskian aurkituko ditugun materialak maiz aldatzea komenigarria da. Honakoak izan daitezke: pina buruak, oskolak, arropa pintzak, zepiloak, koilarea edo espatula, uztai txikiak, larruzko kartera, tenis pilota, giltzak, kateak inbutuak, ispilu txikia etab.

Jolasa izateaz gain, haurraren sozializazioaren prozesurako esperientzia lagungarria da. Beren arteko begiradak, tirabirak eta besteak egindakoaren desioa pizten da. Taldeko jolas bihurtzen da eta horretarako garrantzitsua da saskia biribila izatea. Horrela, hiru edo lau lagunek parte hartzeko aukera izango dute.

Helduaren lana begiratzea izango da eta ez jolastea. Komunikazioa begiradaren bidez gauzatuko da. Helduak distantziatik haurra gehiago ezagutzeko aukera izango du. Liskarrak sortuz gero beren artean konpontzeko denbora emango diegu, baina erne egongo gara minik har ez dezaten.

Ondoren, altxorraren saskiarekin jolasean zebiltzaneko bideo bat izango duzue ikusgai.